Ang tulay sa Kantina (Video)

Bug-at ang akong kasing-kasing samtang nagtan-aw ako sa nahugno nga tulay sa Kantina. Hilom kaayo ang palibot niinisamtang ang tubig sa suba ni agas sa hilom padulong sa kadagatan.


Tranta ka anyos nga ang nilabay ako pa mahinumduman kong unsa ka kusgan ug unsa kalig-on kining tulay sa kantina. Dagkong logging truck sa kompanya ang molatay niini nga nagdala ug dosena ka troso nga yakal padulong sa pantalan sa Coastway.




Karon, ang maong tulay nahugno na. Sa pipila pa ka tuig ang molabay kining maong tulay mapapas na gayud ug ato na lang makit-an sa atong huna-huna.



Samtang ang Magkuno nga kahoy sa kantina padayon nga nagbarog, ang hitsura sa Diatagon di na nimo mailhan kon ikaw wala na makabisita sa Diatagon ug pipila ka dekada.



Pinaagi niining video, hinaut nga nakatabang ako pagpahinumdom kaninyo nga sa mga nang labayng mga katuigan, ikaw nakapuyo niining lugara ug aduna kay mga tam-is nga mga kagahapon dinhi niining lugar sa Tulay ug Kantina.